Erla Björnsdóttir

Framkvæmdastjóri

Erla Björnsdóttir er stofnandi og framkvæmdastjóri Betri svefns. Erla lauk B.A prófi í sálfræði frá Háskóla Íslands 2007 og kandídatsprófi frá Háskólanum í Árósum 2009. Erla lauk svo doktorsprófi í líf-og læknavísindum frá Háskóla Íslands í janúar 2015. Í doktorsnámi sínu rannsakaði Erla svefnleysi, andlega líðan og lífsgæði hjá sjúklingum með kæfisvefn.

Erla hefur sérhæft sig í hugrænni atferlismeðferð við svefnleysi (HAM-S) og vinnur að rannsóknum á því sviði ásamt samstarfsmönnum í Evrópu og Bandaríkjunum. Erla hefur birt fjölda greina í erlendum ritrýndum tímaritum og einnig skrifað um svefn á innlendum vettvangi. Erla starfar einnig við kennslu og se leiðbeiniandi BS og meistaranema í sálfræði við Háskólann í Reykjavík.

Erla hefur haldið fjölda fyrlestra og námskeiða og má þar helst nefna fyrirlestra og fræðslu um svefn og svefnvenjur fyrir fyrirtæki og hópa ásamt því að vera með hópnámskeið við svefnleysi. Erla er einnig höfundur bókarinnar Svefn sem kom út í mars 2017 og barnabókarinnar Svefnfiðrildin sem kom út árið 2020.

Hægt er að hafa samband við Erlu í gegnum netfangið erla@betrisvefn.is

Nína Guðrún Guðjónsdóttir

Sálfræðingur

Nína Guðrún Guðjónsdóttir er sálfræðingur hjá Betri svefn og starfar einnig á geðsviði Landspítala. Nína lauk BS-gráðu í sálfræði frá Háskóla Íslands árið 2017 og meistaragráðu í klínískri sálfræði úr Háskólanum í Reykjavík árið 2019. Í lokaverkefni sínu vann Nína rannsókn á auknu aðgengi hugrænnar atferlismeðferðar við svefnleysi á heilsugæslu. Eftir útskrift starfaði Nína á geðsviði Landspítala en í dag starfar hún hjá Heilbrigðisstofnun Suðurlands ásamt því að starfa hjá Betri svefn.

Nína býður upp á hugræna atferlismeðferð við svefnleysi og heldur fyrirlestra og svefn og svefnvanda. Hægt er að hafa samband við Nínu með því að senda póst á nina@betrisvefn.is

Ásthildur Margrét Gísladóttir

Sálfræðingur

Ásthildur Margrét Gísladóttir starfar sem sálfræðingur hjá Betri svefn. Hún lauk B.Sc. prófi í sálfræði frá Háskóla Íslands 2012, M.Sc. prófi í taugasálfræði frá Maastricht University 2015 og M.Sc. prófi í klínískri sálfræði frá Háskólanum í Reykjavík 2020. Hún hefur starfað við rannsóknir á svefnvanda, einkum kæfisvefni og haldið ýmsa fyrirlestra um svefn og svefnvanda innan skóla og fyrirtækja. Áður starfaði hún í fjögur við rannsóknir hjá Þjónustumiðstöð rannsóknaverkefna og hafði þar meðal annars umsjón með klínískri framkvæmd rannsóknar á sambandi erfða og kæfisvefns. Í meistaraverkefni sínu við Háskólann í Reykjavík skoðaði Ásthildur samband kæfisvefns og hugrænnar færni barna.

Ásthildur býður upp á hugræna atferlismeðferð við svefnleysi. Hægt er að hafa samband í gegnum netfangið asthildur@betrisvefn.is.

Petra Lind

Sálfræðingur

Petra Lind lauk BSc prófi í sálfræði árið 2014 og meistaraprófi í klínískri sálfræði við Háskólann í Reykjavík árið 2016. Hún hefur starfað í notendaráðgjöf hjá Betri Svefni síðan í ársbyrjun 2014 og starfar einnig á endurhæfingargeðdeild Landspítalans á Kleppi þar sem hún sinnir bæði hóp- og einstaklingsmeðferð með aðferðum Hugrænnar Atferlismeðferðar. Samhliða þessu hefur hún einnig sinnt hópastarfi á endurhæfingardeild Heilbrigðisstofnunar Austurlands meðal einstaklinga sem sækja 4 vikna endurhæfingarprógram í offitu- lífstíls og hjarta- og lungnahópum. Petra hefur haldið ýmsa fyrirlestra um svefn- og svefnvanda auk fyrirlestra meðal íþróttafólks og ungmenna um átröskunareinkenni og líkamsímynd.

Petra sér um þjónustu við notendur Betri svefns og hægt er að hafa samband við hana í gegnum netfangið petra@betrisvefn.is

Aðalheiður Ósk Sigfúsdóttir

Sálfræðingur

Aðalheiður‚ lauk BA prófi í sálfræði 2002 við Háskóla Íslands, MS prófi í líf- og læknavísindum 2008 og Cand. Psych. prófi frá Háskóla Íslands 2014. Hún lauk sérfræðinámi í hugrænni atferlismeðferð hjá Endurmenntun Háskóla Íslands 2019 og er m.a. að sérhæfa sig í hugrænni atferlismeðferð við svefnleysi (HAM-S) undir faglegri leiðsöng Erlu Björnsdóttur. Aðalheiður er í kennsluþjálfun í núvitund fyrir fagaðila á háskólastigi gegnum Bangor háskóla og Mindfulness Network í Bretlandi í samstarfi við Núvitundarsetrið. Hún hefur lokið grunnþjálfun og byrjuð í framhaldsþjálfun. Í núvitundarkennslu leggur hún áherslu á endurtekið þunglyndi, streitu og verki. Aðalheiður hefur unnið sem sálfræðingur á Öldrunarheimilum Akureyrar, var um tíma verktaki hjá Sálfræðiþjónustu Norðurlands. Í dag starfar hún á dag- og göngudeild geðsvið á Sjúkrahúsinu á Akureyri og rekur sálfræðistofuna ASSA-Sálfræðistofa Akureyrar. Hún sinnir einstaklingsviðtölum fullorðina og aldraðra, heldur námskeið bæði í hugrænni atferlismeðferð og núvitund og býður upp á fræðslufyrirlestra.

Aðalheiður sér um þjónustu við notendur Betri svefns á norðurlandi og hægt er að hafa samband við hana í gegnum netfangið assa@sakak.is og í gegnum betrisvefn@betrisvefn.is

Hálfdan Steinþórsson

Markaðs- og sölustjóri

Hálfdan Steinþórsson er einn af stofnendum Betri Svefns og situr í stjórn fyrirtækisins. Hálfdan lauk B.A prófi í viðskiptafræði frá Háskólanum á Bifröst árið 2009 þar sem hann lagði áherlsu á markaðs og fjölmiðlarannsóknir. Hann lagði einnig stund á meistaranám í Lögfræði við Háskólann í Reykjavík 2009-10. Hálfdan hefur komið að stofnum og rekstri fyrirtækja á sviði vildar og tryggðarlausna fyrir banka, greiðslukortafélög og símfélög. Einnig hefur Hálfdan sinnt ráðgjafastörfum hjá stærri fyrirtækjum í notkun vildarkerfa og meðhöndlun ganga ásamt því að hafa haldið fjölda fyrirlestra um nýsköpun og frumhugsun fyrir fyrirtæki og háskólanema.

Hálfdan er einn af stofnendum og framkvæmdarstjóri GOMOBILE ehf ásamt því að vera stofnandi og stjórnarformaður Vinnustofu Kjarvals

 

Alexander Aron Gylfason

Stafræn þróun

Alexander Aron Gylfason útskrifaðist með viðskiptagráðu frá Old Dominion Univesity í Virginia fylki í Bandaríkjunum með sérstaka áherslu á alþjóðaviðskipti og markaðsmál. Alexander er einn eiganda Go Loyalty Solutions á Íslandi en Alexander leiddi útrás fyrirtækisins í Danmörku undir vörumerkinu Groo og gegndi framkvæmdastöðu fyritækisins  síðustu 4 ár.  Alexander er að þróa App lausnir með forritunarteymi frá Póllandi með það markmið að markaðsetja og koma á legg fyrirtækjum í samvinnu við símafyrirtæki á Norðurlöndum. Alexander er meðeigandi GoMobile á Íslandi sem rekur nú Púkk vildarkerfið með fyrirækinu Sýn.
Alexander er einnig einn af stofnendum og eigendum Vinnustofu Kjarval og stýrir útrás fyrirtækisins í samstarfi við samstarfsaðila erlendis. Alexander er með fyrstu íslendingunum sem fylgt  hefur eftir þróun rafmynta og blockchain frá uppgafi og hefur tekið þátt í fjölda ráðstefna erlendis og unnið við uppbyggingu og þróun á búnaði sem tengist blockchain og rafmyntum.  Alexander er hluthafi og í stjórn fjölda fyrirtækja og í stjórn dansk íslenska viðskiptaráðsins.

Alexander sér um stafræna þróun hjá Betri svefn.

Ólafur Hrafn Nielsen

Upplýsingatækni

Ólafur er með B.Sc. í tölvunarfræði frá Háskóla Íslands og M.Sc. tölvunarfræði fá Chalmers tækniháskólanum í Gautaborg. Hann hefur unnið við upplýsingatækni í tæp 20 ár og er með brennandi áhuga á hvernig hægt er að nýta tölvutækni til að auka lífsgæði og vellíðan einstaklinga. Ólafur sér um upplýsingatækni fyrir Betri svefn.

Gylfi Sigfússon

Stjórnarformaður

Gylfi Sigfússon er viðskiptafræðingur / Cand. Oecon útskrifaður frá Háskóla Íslands árið 1990. Gylfi er Forstjóri Eimskips Norður Ameríku sem er með 13 starfstöðvar í Bandaríkjunum og Kanada. Gylfi er búsettur í Virginía fylki í Bandaríkjunum.
Gylfi hefur lengstan hluta starfsævi sinnar unnið við flutningatengdan rekstur og var Forstjóri Eimskipafélags Íslands frá árinu 2008-2019 og stýrði endurskipulagningu Eimskipafélagsins og endurreisn. Gylfi hefur alla tíð verið virkur í félagsstörfum hvort sem er í menningu, pólitík, skólamálum, íþróttum eða öðru félagsstarfi. Gylfi var í stjórn Viðskiptaráðs  Íslands um árabil og gengdi þá varaformannsstöðu ráðsins auk þess að vera varaformaður Amerísk Íslenska Viðskiptaráðsins og stjórnarmaður í Kanadíska og Ameríska viðskiptaráðinu í USA og Kanada.

Gylfi hefur verið mjög virkur í startup fyrirtækjum sem fjárfestir og leiðbeinandi og hefur leiðbeint fyrirtækjum á byrjunarstigum og í útrás. Gylfi hefur látið heilbrigði og vellíðan starfsfólks sig varða í sínu starfi og er meðvitaður um hversu nauðsynlegt er að greina áhrif svefns á vellíðan starfsfólks og hjálpa einstaklingum að átta sig á því að lausnirnar felast ekki alltaf í lyfjum heldur hugrænni atferlismeðferð. Gylfi hefur verið stjórnarformaður Betri Svefns síðan 2018.

Sören Berg

Læknir

Sören Berg er læknir sem hefur starfað við svefnrannsóknir í yfir 30 ár. Sören hefur setið í stjórn Betri svefns frá upphafi og verið virkur þátttakandi í uppbyggingu og stjórnun fyrirtækisins. Sören starfar í dag við svefnrannsóknir og ráðgjöf við Lovisenberg sjúkrahúsið í Oslo. Sören hefur gríðarlega mikla reynslu af svefnrannsóknum og hefur birt yfir 50 ritrýndar vísindagreinar.

 

 

Steindór Oddur Ellertsson

Læknir

Steindór er læknir sem útskrifaðist frá Háskóla Íslands í júní 2013. Steindór hefur góða þekkingu á svefnvandamálum í gegnum nám sitt og starf. Hann hefur að auki sett á laggirnar vefsíðu með kennsluefni fyrir þá sem hyggjast þreyta inntökupróf í læknisfræði. Steindór hefur góða tölvuþekkingu og hefur góða reynslu af miðlun kennsluefnis í vefformi ásamt tölfræðilegri úrvinnslu og birtingu gagna.

Steindór er hluti af stofnendahóp Betri svefns.

 

Gunnar Jóhannsson

Læknir

Gunnar er læknir sem útskrifaðist frá Háskóla Íslands í júní 2013. Gunnar hefur fengið góða innsýn í svefnvanda þjóðarinnar í gegnum starf sitt á heilsugæslu og þekkir vel þörfina fyrir gott aðgengi að árangursríkum úrræðum við langvarandi svefnleysi. Gunnar starfar í dag hjá Kerasis.

Gunnar er hluti af stofnendahóp Betri svefns.